April 25, 2024

Warning: sprintf(): Too few arguments in /www/wwwroot/bahaibluebonnet.com/wp-content/themes/chromenews/lib/breadcrumb-trail/inc/breadcrumbs.php on line 253
شمالی وزیرستان میں آپریشن، سیکیورٹی فورسز کی فائرنگ سے 2 دہشت گرد ہلاک

اسلام آباد: شمالی وزیرستان میں آپریشن کے دوران سیکیورٹی فورسز کی فائرنگ سے 2 دہشت گرد ہلاک ہو گئے۔آئی ایس پی آر کے مطابق سیکیورٹی فورسز نے شمالی وزیرستان میں انٹیلی جنس بیسڈ آپریشن کیا، جس کے دوران شدید فائرنگ کا تبادلہ ہوا، اور دو دہشت گرد ہلاک، جب کہ دو زخمی ہو گئے۔ہلاک دہشت گردوں سے اسلحہ، گولہ بارود اور دھماکا خیز مواد برآمد ہوا، دہشت گرد علاقے میں دہشت گردی کی متعدد کارروائیوں میں ملوث تھے. آئی ایس پی آر نے کہا کہ سیکیورٹی فورسز ملک سے دہشت گردی کی لعنت کو ختم کرنے کے لیے پُرعزم ہیں۔

 واضح رہے کہ آج سیکیورٹی فورسز نے ایک کامیاب کارروائی میں جی پی اے کمپلیکس گوادر پر بلوچ لبریشن آرمی (بی ایل اے) کے حملے کی کوشش کو ناکام بنایا.کالعدم بی ایل اے کے دہشت گردوں نے کمپلیکس میں گھسنے کی کوشش کی تھی۔سیکیورٹی ذرائع نے اے آر وائی نیوز کو بتایا کہ فورسز کی بروقت اور مؤثر کارروائی میں بی ایل اے کے تمام 8 حملہ آور ہلاک ہو گئے. حملے کے دوران کمپلیکس کے قریب 15 منٹ تک دھماکے اور شدید فائرنگ کا سلسلہ جاری رہا تھا۔

Leave a Reply

Your email address will not be published. Required fields are marked *